Advertisment

Punnagai Logo

ஆசிய விளையாட்டுப் போட்டி – ஒரே நாளில் இந்தியாவுக்கு 5 பதக்கங்கள்

45 நாடுகள் பங்கேற்றுள்ள 18-வது ஆசிய விளையாட்டு போட்டி இந்தோனேஷியாவின் ஜகர்தா மற்றும் பாலெம்பேங் நகரங்களில் நடந்து வருகிறது. போட்டியின் 3-வது நாளான நேற்று இந்தியா ஒரே நாளில் 5 பதக்கங்களை அள்ளியது. இதில் 16 வயதான துப்பாக்கி சுடுதல் வீரர் சவுரப் சவுத்ரி தங்கப்பதக்கத்தை ‘சுட்டு’ அனைவரது கவனத்தையும் ஈர்த்தார்.

துப்பாக்கி சுடுதலில் ஆண்களுக்கான 10 மீட்டர் ஏர் பிஸ்டல் பிரிவில் தகுதி சுற்று முடிவில் 8 வீரர்கள் இறுதி சுற்றை எட்டினர். இதில் சவுரப் சவுத்ரி, அபிஷேக் வர்மா ஆகிய இந்தியர்களும் அடங்குவர். இறுதி சுற்றில் மொத்தம் 24 ரவுண்ட் இலக்கை நோக்கி சுட வேண்டும். குறிப்பிட்ட ரவுண்டுக்கு பிறகு வீரர்கள் வெளியேறி கொண்டே இருப்பார்கள். அந்த வகையில் சாதுர்யமாக செயல்பட்ட சவுரப் சவுத்ரி, முன்னாள் உலக சாம்பியன் ஜப்பானின் தோமோயுகி மாட்சுடா ஆகியோர் மட்டும் கடைசியில் நீடித்தனர். 22 ரவுண்ட் முடிவில் இவர்களில் யார் தங்கப்பதக்கம் வெல்வார்கள் என்பதை கணிக்க முடியாத நிலைமையே காணப்பட்டது.

பரபரப்பான கட்டத்திலும் பதற்றமடையாமல் இலக்கை துல்லியமாக குறிவைத்து சுட்ட சவுரப் சவுத்ரி கடைசி இரு ரவுண்டுகளில் முறையே 10.2 மற்றும் 10.4 புள்ளிகள் வீதம் பெற்றார். ஆனால் கொஞ்சம் தடுமாறிய அனுபவம் வாய்ந்த மாட்சுடா 8.9 மற்றும் 10.3 வீதம் புள்ளி எடுத்து பின்தங்கினார்.

24 ஷாட் முடிவில் சவுரப் சவுத்ரி மொத்தம் 240.7 புள்ளிகளுடன் முதலிடம் பிடித்து புதிய போட்டி சாதனையுடன் தங்கப்பதக்கத்தை கபளகரம் செய்தார். 42 வயதான மாட்சுடா 239.7 புள்ளிகளுடன் வெள்ளிப்பதக்கத்தை பெற்றார். மற்றொரு இந்திய வீரர் அபிஷேக் வர்மா 219.3 புள்ளிகளுடன் 3-வது இடத்தை பிடித்து வெண்கலப்பதக்கத்தை கைப்பற்றினார். ஒலிம்பிக்கில் 4 தங்கப்பதக்கம் வென்ற வரலாற்று நாயகன் தென்கொரியாவின் ஜின் ஜோங் கோ 178.4 புள்ளிகளுடன் 5-வது இடத்துக்கு தள்ளப்பட்டார்.

ஆசிய விளையாட்டு வரலாற்றில் துப்பாக்கி சுடுதலில் தங்கப்பதக்கத்தை ருசித்த 5-வது இந்தியர் என்ற சிறப்பை சவுரப் சவுத்ரி பெற்றார். இதற்கு முன்பு ஜஸ்பால் ராணா, ரன்திர்சிங், ஜிது ராய், ரஞ்சன் சோதி ஆகியோர் தங்கம் வென்று இருக்கிறார்கள். வெண்கலப்பதக்கத்தை வசப்படுத்திய 29 வயதான அபிஷேக் வர்மாவுக்கு இது தான் முதல் சர்வதேச போட்டியாகும். 2015-ம் ஆண்டு முதல் துப்பாக்கி சுடுதல் பந்தயத்தில் கவனம் செலுத்தி வரும் அபிஷேக் வர்மா அரியானா மாநிலம் ரோட்டாக்கை சேர்ந்த வழக்கறிஞர் ஆவார்.

துப்பாக்கி சுடுதலில் ஆண்களுக்கான 50 மீட்டர் ரைபிள் மூன்று நிலை பிரிவில் இந்திய வீரர் சஞ்சீவ் ராஜ்புத் வெள்ளிப்பதக்கத்தை சொந்தமாக்கினார். அவர் மொத்தம் 452.7 புள்ளிகளுடன் 2-வது

 

...

 
 

Advertisment

English Summary

Asian Games Tournament - Five Medals for India in One Day

 
NewsFast Logo