Advertisment

Punnagai Logo

ரஜினி 'பேட்ட' போனாலும் மக்களின் 'விஸ்வாசம்' வேணும் - அசத்தும் அப்ஸரா ரெட்டி

அண்மையில் காங்கிரஸ் கட்சியின் முக்கிய பொறுப்பில் நியமிக்கப்பட்ட திருநங்கை அப்ஸரா ரெட்டி, தமிழகத்தில் பாஜக கட்சி ரஜினிகாந்துடன் கூட்டணி ஏற்படுத்த முயல்வதாக உலா வரும் தகவலுக்கு பதிலளித்து பேசியுள்ளார்.

ரஜினிகாந்த் எந்த பேட்டைக்கு போனாலும், மக்களில் விஸ்வாசத்தை பெறாமல் வாக்குகளை பெற முடியாது என மகிளா காங்கிரஸின் பொதுச் செயலாளர் அப்ஸரா ரெட்டி கூறியுள்ளார். 

பிரபல தொலைக்காட்சி தொகுப்பாளரும், பத்திரிக்கையாளருமான திருநங்கை அப்ஸரா ரெட்டி அண்மையில் மகிளா காங்கிரஸின் பொதுச் செயலாளராக நியமிக்கப்பட்டார். காங்கிரஸ் கட்சியின் வரலாற்றில் திருநங்கை ஒருவர் தேசிய அளவில் நிர்வாகியாக நியமிக்கப்பட்டுள்ளது இதுதான் முதல்முறை. 

அதை தொடர்ந்து சென்னையில் செய்தியாளர்களை சந்தித்த அவர் கூறியதாவது :

"மோடி அரசில் பெண்களுக்கு எதிரான பாலியல் வன்முறைகள் 4 மடங்கு அதிகரித்துள்ளது. வேலைவாய்ப்பின்மை அதிகரித்து உள்ளது. கிராமப்புற பெண்களின் வளர்ச்சிக்கு எந்த நடவடிக்கையும் எடுக்கப்படவில்லை. 

தமிழகத்தில் ரஜினியை ஏஜென்ட் ஆக வைத்து பாஜக ஆட்சிக்கு வர நினைக்கிறது. இதை மக்கள் ஏற்க மாட்டார்கள். நடிகர் ரஜினி எந்த பேட்டைக்கு போனாலும் மக்களின் விஸ்வாசம் இல்லாமல் வாக்குகளை பெற முடியாது" எனவும் அப்ஸரா தெரிவித்தார். 
 

 
 

Advertisment

English Summary

v

 
NewsFast Logo