Advertisment

Punnagai Logo

"ஹய்யா ஜாலி" - அடுத்த ஆண்டு முதல் அரசுபள்ளி மாணவ-மாணவிகளுக்கு இலவச "ஷூ" ..!

சென்னை. அரசுப் பள்ளி மாணவ- மாணவிகளுக்கு, தனியார் பள்ளி மாணவ- மாணவிகளை போல் இந்த ஆண்டு முதல் சீருடையில் மாற்றம் செய்யப்பட்டு புதிதாக சீருடைகள் அறிமுகப்படுத்தப்பட்டு உள்ளது.

ஏற்கனவே சீருடையில் மாற்றம் கொண்டு வந்தாலும் தனியார் பள்ளி மாணவ- மாணவிகளை போல் ஷூ அணியாமல் செருப்புகள் அணிந்துதான் மாணவ- மாணவிகள் பள்ளிக்கு செல்கின்றனர்.

இந்த குறையை நிவர்த்தி செய்யும் விதமாக அரசுப்பள்ளி மாணவ-மாணவிகளுக்கு அடுத்த ஆண்டு முதல் விலையில்லா செருப்புகளுக்கு பதில் ஷூ வழங்கப்படும் என்று அமைச்சர் செங்கோட்டையன் கடந்தவாரம் செங்கோட்டையில் நடைபெற்ற விழாவில் தெரிவித்திருந்தார்.

Image result for black shoe for school

இதையடுத்து, இதை தற்போது நடைமுறைப்படுத்துவதற்கான முன்னேற்பாடுகளில் பள்ளிக் கல்வித்துறை முடுக்கி விடப்பட்டுள்ளது.

கடந்த 2017-18-ம் ஆண்டில் 1 முதல் 10 வரை படிக்கும் மாணவ-மாணவிகளுக்கு 60 லட்சம் விலையில்லா செருப்புகள் வழங்கப்பட்டுள்ளதால் அதே அளவுக்கு அடுத்த ஆண்டு ‘ஷூ’ வழங்க அரசுத்துறை ஏற்பாடு செய்து வருகிறது.

இதற்காக முன்னணி நிறுவனங்களிடம் இருந்து விலைப் புள்ளிகள் பெறப்பட்டு தகுதியான நிறுவனத்துக்கு டெண்டர் வழங்கப்பட உள்ளது.

ஒவ்வொரு மாணவ- மாணவிக்கும் கருப்பு கலர் மற்றும் வெள்ளை கலரில் 2 ஷூக்கள் வழங்க அரசு முடிவு செய்துள்ளது.

இது குறித்து, அரசு உயர் அதிகாரி கூறுகையில், மாணவ-மாணவிகளின் கால்களுக்கு ஏற்றார்போல் பல்வேறு அளவுகளில் ஷூ தயாரிக்க டெண்டரில் அறிவுறுத்தப்பட்டுள்ளதாக தெரிவித்தார்.

 
 

Advertisment

English Summary

"Haya Jolly" - Free "shoe" for graduate student students from next year ..!

 
NewsFast Logo