Advertisment

Punnagai Logo

5 லட்சத்துக்கு Ph.D பட்டம் – வெடித்துக்கிளம்பும் அண்ணா பல்கலை அடுத்த முறைகேடு

அண்ணா பல்கலைக்கழக தேர்வு கட்டுப்பாட்டுத் துறையில் நடந்த முறைகேட்டைத் தொடர்ந்து, முனைவர் பட்டம் வழங்கும் ஆய்வுத் துறையிலும் 200 கோடி அளவில் முறைகேடு நடந்துள்ளதாக தகவல் வெளியாகியுள்ளது..

அண்ணா பல்கலையில் பி.ஹெச்டி ஆய்வு படிப்பிலும் அதிக அளவில் ஊழல் நடந்துள்ளதாக கூறப்படுகிறது. ஆராய்ச்சி கட்டுரைகள் வெளியிடுவதில் பணம் வாங்கிக் கொண்டு செயல்பட்டதாக தகவல் வெளியாகியுள்ளது.

குறிப்பாக கடந்த 2013 ம் ஆண்டு முதல் 2017ம் ஆண்டு கால  கட்டம் வரை பிஹெச்டி மாணவர்களை அதிக அளவில் சேர்க்கை செய்துள்ளனர். அவர்களிடம் ஆய்வுப்படிப்பை முடித்துக் கொடுக்க ரூ.5 லட்சம் முதல் 10 லட்சம் வரை வசூல் செய்துள்ளனர்.  கடந்த 5 ஆண்டுகளில் இதுபோல 5 ஆயிரம் நபர்களுக்கு மேல் ஆய்வு அறிக்கையை வாங்கி, அவர்களுக்கு வைவா எனப்படும் நேர்காணல், தேர்வு உள்பட பல்வேறு  முக்கியமான விவகாரங்களில் எந்தவித சிக்கலும் இன்றி முனைவர் பட்டத்தை வாரி வழங்கியுள்ளனர். இந்த முறைகேட்டிலும் ரூ.200 கோடி வரை மோசடி நடந்துள்ளதாக கூறப்படுகிறது. முனைவர் படிப்பிற்கான சேர்க்கைக்கு நுழைவுத்தேர்வு நடத்திதான் தேர்வு செய்து வழக்கம்.  அப்படி நடக்கும் நுழைவுத்தேர்வில் ராஜாராம் துணைவேந்தராக இருந்த  காலத்தில் நூற்றுக்கு  60 மதிப்பெண்ணிலிருந்து 30 எடுத்தால் போதும் என விதிமுறையை தளர்த்தி முறைகேட்டில் ஈடுபட்டுள்ளனர்.  

வரலாறு காணாத இந்த மெகா மோசடிகளை ஜெயவேல் என்னும் அதிகாரி பொறுப்பில் இருந்த காலகட்டத்தில் நடந்துள்ளதாக அண்ணா பல்கலை பேராசியர்கள்  தரப்பில் கூறப்படுகிறது.  முனைவர் பட்டம் வாங்கும் முன்பாக, பல்வேறு பேராசியர்கள் குழுவினர் அடங்கிய முன்னிலையில், பல்வேறு கேள்விகளை எழுப்பும் வைவா நிகழ்வினை காலை  9 மணிக்கு ஆரம்பித்து 9.30 மணிக்குள் முடித்துள்ளனர். இந்த நேரத்தில் பல்கலையில் எந்த பேராசியர்களும்  இருக்கமாட்டார்கள். இந்த முறைகேடுகளில் அண்ணா பல்கலை மற்றும் தனியார் பொறியியல் கல்லூரிகளில் பணிபுரியும்  ஆசிரியர்கள் பி.ஹெச்டி.பட்டம் வாங்கியதும், அதோடு அவர்களது  நட்பில் உள்ள ஆசிரியர்கள் என கடந்த 5 ஆண்டுகளில் 4500 க்கும் மேற்பட்டவர்கள் முனைவராகியுள்ளனர். இந்த முறைகேடுகளையும்  தீவிரமாக விசாரிக்க வேண்டும் என கோரிக்கை எழுந்துள்ளது.

 
 

Advertisment

English Summary

Ph.D Degree for 5 Lakhs - The next abusing Anna University

 
NewsFast Logo