Advertisment

Punnagai Logo

வஞ்சகம் செய்யும் மோடி, எப்போது வந்தாலும் கருப்புக் கொடி : வைகோ ஆவேசம் 

நரேந்திர மோடி அரசு எப்படி எல்லாம் வஞ்சகம் செய்யலாம் என்று பார்க்கிறது எனக் கூறியுள்ள வைகோ, தமிழ்நாட்டிற்கு மோடி எப்போது  வந்தாலும் என் தலைமையில் கருப்பு கொடி காட்டப்படும் என கூறியுள்ளார்.

மதுரை விமான நிலையத்தில் செய்தியாளர்களுக்குப் பேட்டி அளித்த மதிமுக பொதுச்செயலாளர் வைகோ பேசியதாவது, 

“இரண்டு முக்கிய செய்திகளை செய்தியாளர்களிடம் கூற விரும்புகிறேன். ஸ்டெர்லைட் ஆலையை திறக்க வேண்டும் என்று உச்சநீதிமன்றம் எந்த ஒரு ஆணையும் பிறப்பிக்கவில்லை. மதுரை உயர்நீதிமன்றத்தில் கொடுத்த தடையை நீக்கிவிட்டார்கள் அவ்வளவுதான். 

நேற்றைக்கு உச்சநீதிமன்றத்தில் நான் பங்கேற்றேன். ஸ்டெர்லைட் ஆலையை நிரந்தரமாக மூட வேண்டும் என்பதற்காக பசுமை தீர்ப்பாயத்தின் உத்தரவை எதிர்த்து நான் தாக்கல் செய்த மேல்முறையீட்டு மனுவும் ஏற்றுக்கொள்ளப்பட்டு ஏற்கனவே தமிழக அரசு தொடுத்துள்ள வழக்குடன் இணைத்துக்கொள்ள சொல்லி நீதிபதி நாரிமன் அவர்கள் கூறிவிட்டார்கள். 

ஆலையைத் திறப்பது குறித்து தமிழ்நாடு மாசுக்கட்டுப்பாட்டு வாரியமும் தமிழ்நாடு அரசும் கொள்கைகளை எந்த அளவு நிறைவேற்றி இருக்கிறது என்பதை பார்க்க வேண்டும். பசுமை தீர்ப்பாயம் போட்ட வழக்கு விசாரணைக்கு எடுத்துக் கொள்ளப்பட்டது. அடுத்த விசாரணை எப்போது வரும் என்று தெரியாது. 

நமது இரண்டாவது பிரச்சனை சமூகநீதிக்கு அஸ்திவாரம் அமைத்தது தமிழ்நாடு. சுதந்திரக்கு பின்பு பெருந்தலைவர் காமராஜர் மற்றும் அண்ணா அவர்கள் ஆகியோரும் உதவியாக இருந்தார்கள். அரசியல் சட்டத்தில் 16, 17 பிரிவுகளில் திருத்தம் கொண்டுவரப்பட்டது 

பொருளாதார அடிப்படையில் இதை சேர்க்க வேண்டும் என்பதை ஏற்றுக்கொள்ளவில்லை. மூன்று மாநிலங்களில் படுதோல்வி அடைந்த பாஜக கட்சி அந்த மாநிலத்தில் குறிப்பிட்ட வேறு வகுப்பு பிரிவினரின் ஓட்டுகளை பெறுவதற்கு வேண்டி இந்த திருத்தத்தை 15, 16 உட்பிரிவு சேர்த்து 10% கொடுத்து உள்ளனர். இதனை சில கட்சிகள் வரவேற்று உள்ளனர். அதை விமர்சிக்க விரும்பவில்லை. 

இதனுடைய தொட்டில் பூமி தமிழ்நாடு. இந்த சமூக நீதியை கொண்டுவந்தது தமிழ்நாடு. எனவே கடைசியாக ஆட்சியை இழந்து போகிற போக்கில் இந்த நரேந்திர மோடி அரசு எப்படி எல்லாம் வஞ்சகம் செய்யலாம் என்பதை என்று பார்க்கிறது. தமிழ்நாட்டிற்கு மோடி என்று வந்தாலும் என் தலைமையில் கருப்பு கொடி காட்டப்படும்.” 

இவ்வாறு வைகோ கூறினார் 

 
 

Advertisment

English Summary

Vaiko : Black flag against Modi

 
NewsFast Logo